Um Vélsmiðju Grindavíkur

Print

 

Árið 1989 stofnaði Þorsteinn Einarsson Vélsmiðju Þorsteins og var hún til húsa að Hafnargötu 25. Þar var hún starfrækt í stuttan tíma eða þar til Þorsteinn festir kaup á húsnæði að Seljabót 3 þar sem hún er staðsett í dag.

Þorsteinn rekur smiðjuna ásamt bifreiðaverkstæði til ársins 1999 þegar hann selur fyrirtækið. Kaupendurnir Benóný Þórhallsson, Ómar Ásgeirsson ásamt þeim Pétri Má Benediktssyni og Guðmundi Val Sigurðssyni sem á þeim tíma höfðu rekið Vélsmiðjuna Viðvik sameinuðst Vélsmiðju Þorsteins og úr varð Vélsmiðja Grindavíkur.  

Í dag eru eigendurnir þrír þeir Benóný, Ómar og Pétur.

Á þessum árum hefur Vélsmiðjan vaxið og aukið þjónustustig til muna. Í dag erum við í um 700 fermetra húsnæði eftir að við byggðum við elsta hluta hússins þar sem skoðunarstöð Frumherja er með aðstöðu ásamt bílaverkstæði vélsmiðjunnar. Einnig höfum við stækkað verslun okkar til muna og liggjum með breiða línu af glussafittings, lágþrýsti/háþrýstifittings ásamt verkfærum og boltum.

Á þessum árum höfum við kappkostað að þjónusta sjávarútvegnum sem best og þrátt fyrir breytt útgerðarmunstur og fækkun útgerða á svæðinu hefur okkur tekist að efla þjónustu og færa út kvíarnar á mörgum sviðum.

Í dag starfa hjá fyrirtækinu um 13 manns að jafnaði. 

Bílaverkstæðið

Er bíllinn að sýna þér óeðlilega hegðun?  Kíktu með hann til okkar og við rennum yfir hann fyrir þig. Einnig getum við rennt honum í gegnum skoðun hjá Frumherja sé þess óskað. Bílaviðgerðir á heimsmælikvarða á öllum tegundum af bílum. 

Tilboð

Þennan mánuðinn erum við með tilboð á Dewalt verkfærum til áramóta.  Dewalt framleiða hágæða rafmagnsverkfæri sem allir ættu að þekkja og því engin svikinn. 

Frumherji

Frumherji eru í húsinu og sjá um Bifreiðaskoðun fyrir þig. Skoðanir eru á mánudögum og er um að gera að kíkja við og sleppa við sektina. 

Vélsmiðja Grindavíkur | Seljabót 3 | 240 Grindavík | Sími: 4268540 | Fax: 4267540